Kullanıcı:Qasımov Nazim Davud oğlu

Polkovnik Nazim Davud oğlu Qasımov 29 oktyabr 1952 ildə Bakı şəhərində anadan olub. 1969 ildə orta məktəbi bitirib.1969- cu ildən 1973-cü ilə qədər Azərbaycan dövlət bədən tərbiyəsi və idman Akademiyasında təhsil alıb.

   20 ilə qədər yunan Roma güləşi ilə məşğul olub. Yunan Roma güləşi üzrə SSRİ idman ustasıdır. İki il Neftçala rayonunun Uşaq Gənclər İdman məktəbində direktor müavini vəzifəsində işləyib. Eyni zamanda Neftçala rayonunun yunan Roma güləşi üzrə baş məşqçisi vəzifəsində çalışıb.1974 ildən 1975 ilə qədər SSRİ silahlı qüvvələrində hərbi xidmət keçib. Güləş üzrə ordu çempionu olub.Zaqafqaziya hərbi dairəsinin hərbiçiləri arasında keçirilən güləş yarışlarında bürünc medala layiq görülüb. Tələbələrin ümumrespublika spartakiadasının qalibdir. Kənd idmançıları arasında Respublikası çempionu olub. Dəmiryolçuların arasında Respublika çempionu olub. Polis əməkdaşları arasında Respublika çempionu olub. Respublika silahlı qüvvələrinin çempionu olub. Tələbələrin ümumittifaq universiadasının iştirakçısıdır. SSRİ çempionatlarının və SSRİ kuboku yarışlarının iştirakçısıdır. 
   40 ilə yaxın  Daxili İşlər Orqanlarında rəhbər vəzifələrdə xidmət edib. Belə ki, 1976 ildən 1994 ilə qədər Xətai RPİ CAŞ Baş əməliyyat müvəkkili, 1994 ildən 2000 ilə qədər Nizami RPİ qərargah rəisi, 2000 ildən 2002 ilə qədər Nərimanov və Sabunçu RPİ rəis müavini, 2002 ildən 2003 ilə qədər Bakı şəhəri BPİ Tİİ baş inspektor və 2003 ildən 2008 ilə qədər Bakı şəhəri Baş Polis İdarəsində rəisin baş köməkçisi vəzifələrində xidmət edib.Polis polkovniki rütbəsinə qədər yüksəlib, hal hazırda təqaüddədir. Bir neçə dəfə güləş yarışları üzrə DİN çempionu olub.DİO qüsursuz xidmətlərinə görə medallarla mükafatlandırılıb. 
  Qarabağ müharibəsinin veteranıdı.Fizuli, Martuni, Xocavənd, Çartar, Her Her, Seruşen və Qırmızı Bazar uğrunda gedən döyüşlərdə iştirak edib. Döyüşçüləri ilə birlikdə 75 nəfər erməni yaraqlılarını və separatçılarını yaxalayaraq həbs etmişlər.  
   Azərbaycanlıdır, Azərbaycan Respublikasının vətəndaşıdır.
   Ailəlidir, üç övladı və dörd nəvəsi var. 
   Neftçala rayonunun ilk polis polkovnikidir.
   Polkovnik Nazim Qasımovun babası məşədi İslam məşədi Gülqasım oğlu Qasımov 1918 ildə Neftçala rayonunda erməni daşnak və bolşevik hərbi birləşmələrinə qarşı döyüşlərdə iştirak edib. 
   Atası Davud Qasımov 1941 ildən 1945 ilə qədər nasist Almaniyasına qarşı müharibədə iştirak edib. Berlinin və Reyxstaqın alınmasında iştirak edib. Sovet ordusunun 3-cü Reyxin faşistləri üzərində qələbə qazanmasına öz töhfəsini vermişdir.Müharibədən sonra Bakı Dövlət Universitetinin hüquq fakültəsinə qəbul olmuş və universiteti fərqlənmə diplomu ilə bitirib. Dörd rayonda xalq məhkəməsinin sədri vəzifələrində çalışıb. 50 ilə qədər ədliyyə orqanlarında rəhbər vəzifələrdə xidmət edib. Qüsursuz xidmətlərinə görə dövlətin müxtəlif orden və medalları ilə təltif edilib. Ailəli olub. Beş övladı və doqquz nəvəsi var. Övladlarının hamısı ali təhsil alıb. Hamısı da dövlət orqanlarında məsul vəzifələrdə çalışıb.
  1991 ildə dünyasını dəyişib. Qəbri Bakı şəhəri Köhnə Əhmədli qəbiristanlığındadır. Allah rəhmət eləsin.